ULMA Agricolak 1 ha baino gehiagoko instalazio bat amaitu berri du lorezaintzan diharduen Mexikoko enpresa garrantzitsu batentzat.
Enpresak nazioarteko errekonozimendua irabazi du, landatzen dituen produktuen kalitateagatik. Bere ezaugarri berezia da merkatuak eskatzen dituen kalitate, arreta eta gogobetetze mailak bultzatzen dituzten xehetasun guztiak zaintzen dituela.
Lorezaintza modu industrializatuan lore eta landare apaingarrien landaketan diharduen hortikulturaren diziplina da, apaintzeko edo kosmetikaren edo medikuntzaren arloetan erabiltzeko. Oro har, oso labore zorrotza da baldintza klimatikoei eta argitasunari dagokionez, eta, horregatik, hil edo bizikoa da berotegian sartuko diren elementu osagarri guztiak egoki hautatzea eta dimentsionatzea.ULMA Agricolak esperientzia handia dauka horrelako labore mota delikatuen beharrak asetzeko instalazioak eraikitzeko orduan.
Oraingoan, proiektua 4 gune berezitan banatzea erabaki zen, horietako bakoitzean ekoitziko den landare motaren arabera. Barruko klima kontrolatzeko, kamera bikoitzeko sistema bat instalatu da, birzirkulatzaileak, ur beroko berogailuak, eta barruko eta kanpoko pantaila termikoa. Ekipamenduak modu independentean kontrolatzen dira gune bakoitzean eta, horrenbestez, bakoitzaren kudeaketa egokitu daiteke, landare mota bakoitzaren ezaugarri zehatzen arabera.